روضه ترکی حضرت علی اکبر، همیشه از آن دسته از نوحه های پرطرفدار می باشد.با فرارسیدن ماه محرم و رسیدن به شب هشتم ماه محرم روضه حضرت علی اکبر همیشه محبوب بوده است.در این پست برای شما همراهان عزیز گلچینی از زیباترین متن روضه های ترکی حضرت علی اکبر را تهیه کردیم.
روضه ترکی حضرت علی اکبر
جان ویرماقا حسینون زیبا سلیلی گتدی
اولاد مصطفی نین اول قتیلی گتدی
آردیجا پا پیاده عشقین خلیلی گتدی
ذبح آیه سی دوباره اعظم منایه گلدی
اکبر کفن گینده، دنیا نوایه گلدی
باشین آچوب پیمبر ،زهرا عزایه گلدی
احسن بیله ادبلی قربانه بارک الله
بو عشق و شور و عزم و ایمانه بارک الله
آزاده پیش مرگ قرآنه بارک الله
دوشدی یولا مقام صدق و صفایه گلدی
اکبر کفن گینده، دنیا نوایه گلدی
باشین آچوب پیمبر، زهرا عزایه گلدی
اکبر چیخوب جهاده الله اکبر اوسته
قان قان دیور برنده شمشیری صفلر اوسته
از بس بلا چولونده باش توکدی پیکر اوسته
رزمی گران امیر کل قوایه گلدی
مرحب یخان علی تک ال تیغینه آپاردی
ووردی اوزون سپاه کفره صفوفی یاردی
شمشیری گزدیرنده تپراقه قان یاغاردی
حیدر دی بو کانه کرب و بلایه گلدی
اکبر کفن گینده، دنیا نوایه گلدی
باشین آچوب پیمبر، زهرا عزایه گلدی
منقذ چیخاندا صفدن لرزان اولوب عوالم
الده قلیج یول اوسته ائتدی کمین او ظالم
ققویمام دئدی قیتسون اکبر خیامه سالم
بیر ایش گوروب که اهل عرش آه و وایه گلدی
گوردیله اول جوانین گل تک یوزی سولوبدی
نامردیلر ایچینده خلع سلاح اولوبدی
جان گزدیرور آت اوسته قان گوزلره دولوبدی
هی دیل یاراسی اوستن تیر کنانه گلدی
سسلندی باشیم اوسته تز گل بابا اماندی
باشون سنون ساق اولسون حالیم منیم یاماندی
جدّیم گلوب سو الده گل سنده خوش زماندی
اول سو ایچمدیم من دل ذکر لایه گلدی
یولدا امام علینون آخر سلامین آلدی
اوغلی اولن بیلر که حضرت نه حاله قالدی
اگلشدی باشی اوسته ای وای سسی اوجالدی
مظلوم بالا آتاندان ایتمه گلایه گلدی
کور اولسون ای کلامی هرگوز بو غمده دولماز
عالم گل اولسا هیچ گل اکبر سیاقی اولماز
گوردی حسین او نعشی الده آپارماق اولماز
هر عضوی بیر طرفدن یغدی عبایه گلدی
اکبر کفن گینده ، دنیا نوایه گلدی
باشین آچوب پیمبر ،زهرا عزایه گلدی
دانلود نوحه اوغول گئت قانلی میدانه
اوغول گئت قانلی – میدانه ولی آهسته آهسته
منی سال درد -هجرانه ولی آهسـته آهسته
رسوله بنزریم یواش گئت
ادبلی اکبریم یواش گئت
اوغول سن آل هاشمدن – جهاده آلموسان سبقت
جزاک الله بو ایثارون – اولار سرمشق هر امّت
قدم آتدیقجا سن روحیم – اوچور ای یار مه طلعت
عروج ائت اوج عرفانه – ولی آهسته آهسته
اوغول من حجت اللهم – امامت صبری وار منده ولى سن اولماسان قلبیم – اولار دردیله آکنده
ورالار یاره با شوندن – مروّت یوخدی دشمنده
نشان اول زخم پیکانه – ولی آهسته آهسته
وداع ائتدون خواتینی – یول اوسته عمه لر دوردی
توکولدی دوریوه قیزلار – غمون زهرانی یاندوردی
خداحافظ دئدون چیخدون – حرملر باشینه وردی
گوزآلتی باخ بو طوفانه – ولی آهسته آهسته
علی عطری گلور سندن – اودور آدون على قويدوم
گینده سن کفن منده – لباس عشرتي سويدوم
اجازه ئولمقا وئردیم – ولی سندن دئمه دویدوم
ئوزون وُر بحر بحرانه – ولی آهسته آهسته
خدا شاهددی بو هجران – چتیندی آل طاهایه
دوشنده یادیمه جدیم – با خارديم قد رعنایه
گئت اول فردوس اعلاده – رسول اللهه همسایه
اليندن ئوپ یانا یانه – ولی آهسته آهسته
آچیلدی صبح عاشورا – سن اخلاصون نشان وئردون
نمازه دوردی عاشقلر – قباقدا سن اذان وئردون
جوانان سلحشوره – رمق وئردون توان وئردون
آخوب گوزیاشی دامانه – ولی آهسته آهسته
لب عطشان بالا لبیک
سسون خیمیه گلدی هایاندان بالا لبیک
ملک فطرتیم اکبر قمر طلعتیم اکبر
دایان گلدیم هرایه من الان بالا لبیک
خانم زینب ائشیتدی حسیندن بو صدانی
دیدی کشف ایله قارداش منه بو جریانی
دوشن مشکله کیمدور خطرگه ده دی جانی
مخاطب کیمی ایتدون ائدورسن بو ندانی
علی جان بالا لبیک
لب عطشان بالا لبیک ..
باجی عرصیه دون باخ قولاق ویر ایله دقت
او سس که منی سسلر وار اوندا نه ملاحت
چکور روحی بدندن اورکدن آلوچان طاقت
چاغوردی منی اکبر اونا ائتدیم اجابت
علی جان بالا لبیک
لب عطشان بالا لبیک ..
حسین تلیدن اندی او میدان بلایه
سالوب گوردی قلجلار علی اکبره سایه
انور باشلارون اوستن قلج قالخور هوایه
خطاب ائیلدی حضرت اوغول گلدیم هرایه
قوشون قاچدی قاباخدان حسیندن آرالاندی
ائدوب غیضیله حمله صداسی اوجالاندی
آت اوستن اوزون او شاه آتوب باخدی دایاندی
دیدی وای بالا یاندیم سسه اکبر اویاندی
علی جان بالا لبیک
لب عطشان بالا لبیک
حسین هر قدم آتدی یخلدی گینه دوردی
نئجه دست جفاگر علی ریشه می قیردی
دیزی اوستینه آلدی اوغول باشین اوتوردی
یوزین قویدی یوزینه ایدوب ناله بویوردی
ملک فطرتیم اکبر
قمر طلعتیم اکبر
مه انوریم اکبر
ملک منظریم اکبر
گل احمریم اکبر
قرا گوزلره قربان منیم گوزلریم اکبر
مه انوریم اکبر
ملک منظریم اکبر
گل احمریم اکبر
قرا گوزلره قربان منیم گوزلریم اکبر
علی جان بالا لبیک
لب عطشان بالا لبیک
نه تئز اولدی غروبین سحر اولدوزوم اکبر
گوزون آچ منه بیر باخ حسیندور سنی سسلر
باتوب قانه جمالون دوتولمیش آیا بنذر
بی بون منتظریندور آنان خیمه ده گوزلر
علی جان بالا لبیک
لب عطشان بالا لبیک
محدثه راد، نویسنده و تولید کننده محتواهای اختصاصی در پورتال گهر. علاقمند به نویسندگی محتواهای خبری، فرهنگی و سرگرمی در پورتال گهر
